Os caldos das adegas Cividade, da subzona de Amandi, e Amedo, de Chantada, fixéronse cos primeiros premios na Cata dos Viños Ribeira Sacra da colleita que se acaba de pór no mercado, a de 2011.
Entre os caldos doutras anadas entregáronse dous premios iguais, que corresponderon á adega Don Bernardino, de Amandi, e a de Ponte da Boga, da subzona Ribeiras do Sil, polo seu viño denominado Bancales Esquecidos. Ambos son do 2009.
Cividade levou o primeiro premio entre os tintos e o segundo foi para a adega de Javier Fernández, de Ribeiras do Miño. O terceiro, Don Bernardino.
No apartado dos viños brancos, ademais do primeiro premio para a firma chantadina Amedo, polo seu viño denominado As Glorias, o segundo levouno o caldo Viña Vella, da Sat Virxe dos Remedios e o terceiro, Casa Moreiras, ambos da subzona de Ribeiras Do Miño.
