Algúns residentes na cidade, logo de 44 días de folga no servizo de limpeza e recollida de lixo na cidade, denuncian que a situación sanitaria no centro urbano empeorou nos últimos días pola proliferación de parasitos, insectos e roedores, ata o punto de que xa se viron ratas en portais próximos aos colectores.
En declaracións a EFE, unha veciña da rúa García Portela, confirmou que onte se atopou cunha "fermosa rata" no portal da súa casa, coa fortuna de que no edifico estaba a traballar un electricista que a matou e tirouna fose" sen que o roedor chegase a ocasionar maiores problemas.
En todo caso, visiblemente molesta, esta veciña queixouse da situación que chegou a provocar na cidade "a acumulación de lixo" logo de tantos días de folga no servizo de limpeza, porque aos malos cheiros e a penosa imaxe que ofrecen as rúas, sumar agora que "as ratas xa chegan ás casas".
Sobre esta posibilidade xa advertía hai días, a Asociación Nacional de Empresas de Control de Pragas (ANECPLA), que avisou sobre "a posible proliferación" na cidade de pragas de ratas, cascudas e outros organismos nocivos para a saúde, como consecuencia dos desperdicios e restos orgánicos acumulados nas rúas.
Nun comunicado, este colectivo avisaba de que todas as pragas son contaminantes potenciais e transmisoras de enfermidades que, en moitos casos, poden chegar a ser de extrema gravidade
Nese sentido, tamén recordaba que os restos acumulados nas rúas supoñen un risco para a poboación, dado que queda exposta á proliferación de pragas e á propagación de certas enfermidades transmitidas por esas especies, que atopan alimento fóra do seu hábitat nos desperdicios que se amontoan nas beirarrúas.
Á presenza de roedores "e parasitos" tamén se refería onte o portavoz do Partido Popular no Concello de Lugo, Jaime Castiñeira, como consecuencia da acumulación nas rúas de materia "orgánica" en estado "de putrefacción".
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
