As sondaxes realizadas pola empresa Asturgold no xacemento de ouro de Salave, no municipio asturiano de Tapia de Casariego, revelaron que a reserva aurífera podería ser maior do que se cría ata o momento, estendéndose cara á zona oeste e suroeste -dirección Castropol-, aínda que a compañía prefire ser cauta e esperar a coñecer por completo os resultados para determinar correctamente o alcance dos datos obtidos.
«Estamos á espera de ter información máis exacta, pero, polo momento, os datos corroboran cousas sabidas e, doutra banda, son alentadores», explicaron fontes da empresa.