Os socios da bancada na que se sitúan os Riazor Blues, que será pechada nos encontros de Copa e Liga ante o Málaga, mañá e o sábado, respectivamente, deben retirar a súa entrada para outra localidade. O Consello de Administración do club galego tomou a medida de pechar provisional da bancada de Maratón Inferior tras a liorta na que perdeu a vida un seguidor branquiazul o domingo en Madrid e comunicou aos abonados desa localidade o procedemento a seguir para poder acceder a Riazor ante o Málaga.
Os socios afectados deberán retirar previamente a súa entrada no despacho de billetes do Palacio dos Deportes de Riazor, aberta desde as 11.00 horas e ata o comezo do partido de forma ininterrompida.
Ao mostrar o seu carné recibirán unha entrada para poder ver o partido ante o Málaga noutra bancada e recoméndaselles que se acheguen aos despachos de billetes coa suficiente antelación para evitar aglomeracións de última hora e poder acceder a tempo á súa nova localización. Mentres, para o partido de Liga, os socios afectados poderán retirar as localidades a partir do xoves pola mañá.
Para ese encontro da liga BBVA, o Deportivo, tal e como explicou hoxe o seu presidente, Tino Fernández, porá a venda entradas ao prezo simbólico dun euro para que "todos os cidadáns que queiran mostrar a súa repulsa á violencia no fútbol" enchan "o estadio" e demostren "a todo o mundo cal é o verdadeiro talante desta afección única".
O dirixente anunciou pola mañá as medidas na sala de prensa de Riazor, onde leu un comunicado, sen aceptar preguntas, e deixou claro o "posicionamento frontal do club contra a violencia".
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
