A 64 edición dos Premios Ondas distinguiu ao pontevedrés Xabier Fortes e ao ferrolán Javier Gutiérrez. Tamén resultaron premiados o grupo Jarabe de Palo, o festival Sónar Barcelona, a presentadora de televisión Susanna Griso e a de radio Isabel Gemio, así como a cobertura das radios catalás dos atentados de agosto en Barcelona e Cambrils (Tarragona).
No ámbito musical galardoaron a Camarón de la Isla, Alejandro Sanz e Carlos Vives, así como os xornalistas Àngels Barceló (SER) —como mellor presentadora— e Josep Cuní (8TV), o actor Josep Maria Pou (Nit i dia, TV3) e a serie de Netflix Las chicas del cable.
Os premios recibiron 400 candidaturas, procedentes dunha quincena de países, coas que bateron unha marca en inscricións por terceiro ano consecutivo, e rexistraron o maior aumento respecto da anterior edición nas categorías de Televisión Nacional e Radio Nacional.
Barceló foi distinguida como Mellor Presentadora de Radio, mentres que Gemio recibirá o Premio á Traxectoria, e a directora de 180º de Radio3, Virginia Díaz, foi a Mellor Presentadora de Radio Musical.
O Mellor Tratamento Informativo de Radio recaeu na cobertura dos atentados de agosto pola súa capacidade de reacción e "resposta rigorosa dutante moitas horas de directo" ás redaccións de Catalunya Radio, Rac1, SER Catalunya, RNE, Cope e Onda Cero, e estenderon o recoñecemento a todas as radios locais que informaron con inmediatez e rigor.
Catástrofe ultravioleta de Javier Peláez, Javi Álvarez e Antonio Martínez Ron contou co recoñecemento ao Mellor Programa de Radio Online, e o perfil profesional do realizador radiofónico conta cunha Mención Especial do Xurado.
Nas categorías de Televisión, o Mellor Programa de Entretemento é Aquí la tierra, de RTVE, unha emisora que tamén contou co de Mellor Programa de Actualidade por Ochéntame otra vez: El sueño olímpico.
Como Mellor Presentador de Televisión, foron premiados ex aequo Cuní e Xabier Fortes (TVE de Galicia), mentres que Griso recibiu a distinción de Mellor Presentadora.
Jodeeerrr, perdón polo taco, pero jodeeer, que me deron as Ondas!!!! Non podo contestar a todos, simplemente Graciaaasss!!!!
? Xabier Fortes (\<sent\>xabierfortes) October 18, 2017
JAVIER GUTIÉRREZ E BLANCA SUÁREZ. Sé quien eres de Telecinco foi considerada a Mellor serie Española, mentres que os Mellores Intérpretes en Ficción foron Blanca Suárez —por Lo que escondías sus ojos, na categoría feminina—, Javier Gutiérrez —por Estoy vivo, masculino— e Josep Maria Pou —como intérprete en cadeas non nacionais—.
A Mellor Campaña de Publicidade de Radio foi Conciencia, de Flex e Sra. Rushmore, e Shackleton a Mellor Axencia de Publicidade de Radio.
PREMIOS INTERNACIONAIS. Os premios internacionais han recaído en docudrama radiofónico de Arte France De Guerre en Fils (Guns in the family), o documental Die letzen männer von Aleppo (Os últimos homes de Alepo) da televisión alemá Südwestrundfunk.
En internacional tamén distinguiron cunha mención especial do xurado para a peza Bis die araber klein bei geben - Europas vergessener krieg im Maghreb (Ata que rendan os árabes - A guerra europea esquecida no Maghreb) da radio alemá WestDeutscheRundfunk (ARD).
