Os ladróns entraron en tres oficinas do centro de Burela a fin de semana

Os ladróns actuaron durante a fin de semana no centro de Burela, aínda que non se pode precisar con exactitude se foi a madrugada do domingo ou a do luns, posto que os atracos se perpetraron en oficinas, que permanecen pechadas durante a fin de semana. Os obxectivos foron a promotora A Chave de Ouro, na rúa Curros Enríquez; a notaría, situada na Praza da Mariña; e a oficina do armador Pesca Norte Breogán, en Emilia Pardo Bazán. En todos os casos, os autores dos roubos buscaron diñeiro en efectivo e o botín total pode superar os 3.000 euros.