A nova lei galega que regula os espectáculos públicos, incluídas as verbenas, xerou preocupación nos concellos lucenses, que auguran que non poderán expedir en moitos casos as preceptivas licenzas ás comisións de festas, ao endurecerse os requisitos que deben cumprir. A Xunta nega esas dificultades.
A norma da polémica é a Lei do Emprendemento e da Competitividade Económica de Galicia, en vigor desde decembro pero cuxos efectos se están empezando a sentir agora, ao arrincar a tempada alta de festas populares.
