A Confederación de Empresarios de Lugo (CEL) fixo unha "valoración positiva" do final da tractorada que desde o pasado 10 de decembro instalouse en pleno centro da capital lucense, aínda que tamén quixo recordar que "a cidade demostrou o seu apoio por activa e por pasiva" ao lácteo.
"Evidentemente, facemos unha valoración positiva, porque todo o que sexa que a cidade volva recuperar a normalidade é importante", afirmou o secretario xeral da CEL, Jaime López.
En todo caso, anunciou a intención da patronal lucense de "seguir con este apoio que mantivemos en todo momento ao sector agroalimentario desta provincia, e concretamente ao sector dos produtores lácteos".
Esta cidade "demostrou o seu apoio por activa e por pasiva", insistiu, pero considera que o final da tractorada "é unha medida que é lóxica".
De feito, alentou aos produtores a que "vaian expondo outro tipo de iniciativas que os leven a conseguir os obxectivos que están a buscar".
Os comerciantes de Lugo din que apoiaron "por activa e por pasiva" aos gandeiros
O secretario xeral da CEL, Jaime López, afirma que é importante "que a cidade volva recuperar a normalidade" e alentou aos produtores a que planeen outro tipo de iniciativas