Os camioneiros piden cámaras para o aparcadoiro do Xardín

Un roubo puntual que se produciu este verán nun camión, cando estaba aparcado no aparcadoiro de O Xardín, levou a algúns camioneiros a proporlle ao concelleiro de obras, Vicente Castro, a posibilidade de instalar cámaras de videovigilancia neste estacionamento, que usan decenas de transportistas, sobre todo ribadenses que traballan para a madeireira Ence. Desde o Concello xa tramitan a solicitude, aínda que advirten de que, debido a un conflito entre varias leis, «xa hai uns anos denegaron á que se lle pediu á Xunta para colocalas no polígono industrial», di o edil.