Os estaleiros galegos de Navantia en Ferrol son o candidato con máis probabilidades de resultar elixido para construír os dous gaseiros que a compañía Repsol adxudicará proximamente por un importe de aproximadamente 60 millóns de euros.
Fontes do sector naval informaron a Efe do interese de Repsol en fabricar estes dous buques nos estaleiros públicos, co fin de xerar emprego en España e impulsar a súa actividade, polo que "o máis probable" é que se constrúan na comunidade galega.
A petroleira abriu o proceso de adxudicación de dous barcos para transportar Gas Licuado de Petróleo (GLP), cuxo prazo de presentación de ofertas finalizará o próximo 23 de maio.
Ademais de Navantia, optan á construción dos dous gaseiros as compañías Elcano, Ibaizabal e Knutsen, agregan as mesmas fontes.
Entre outras condicións establecidas por Repsol, figuran a construción de dous barcos de ata 4.500 metros cúbicos nun prazo de cinco anos.
Recentemente anunciouse a construción nos centros de traballo de Navantia de Ferrol e Cádiz de dous buques de acción marítima (BAM) para a Armada Española, cun orzamento total estimado de 400 millóns de euros, un prazo de construción de trinta meses e un total de 2,2 millóns de horas de traballo.
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
