Os alumnos do curso de canto que se impartirá durante o fin de semana na Granxa de Barreiros de Sarria actuarán o domingo no convento da Mercé, ás 20.30 horas, baixo a dirección do especialista en técnica vocal Kevin Smith e co acompañamento da pianista lituana Rasa Jakutyte.
A actuación que ofrecerán na igrexa do convento será o colofón a un curso que comezará mañá mesmo nas instalacións da Granxa, organizado polo Centro de Música Fingoi.
O concerto será de entrada libre e a organización anima a todos os veciños a asistir. Segundo explica, Smith actuou nalgúns dos teatros de ópera máis importantes do mundo.
