Os concellos ulloanos ultiman trámites para que as piscinas que xestionan estean a punto para abrir as súas portas o próximo día 1. Na maioría destas áreas de baño a entrada será gratuíta e, un ano máis, celebraranse cursos de natación, tanto de iniciación como de perfeccionamento.
En Monterroso, as piscinas situadas na área recreativa da Penela xa contan co visto e prace da Xunta. O Concello ultima os procesos de selección do persoal que se encargará do mantemento das instalacións e dos socorristas.