Os funcionarios xudiciais aínda traballan na dixitalización da última parte do sumario da Operación Pokemon sobre a que xa non pesa a orde de segredo de sumario, polo que os avogados defensores non terán acceso a esa nova documentación ata principios da próxima semana.
Segundo informaron a EFE fontes do Tribunal Superior de Xustiza de Galicia, a xuíza instrutora tomou a decisión de entregar toda esa documentación ás partes en formato dixital, "dado o volume que ten a causa" e a "imposibilidade" de realizar unha consulta da mesma en sede xudicial.
Por iso, está a procederse á dixitalización das decenas de miles de folios dos cento trinta tomos nos que está dividida a causa sobre os que pesaba ata agora a orde de reserva.
Salvo imprevistos de última hora, do mesmo xeito que se fixo con outras partes do sumario cando deixaron de estar baixo segredo, a partir da próxima semana as partes poderán recoller esa nova documentación en formato dixital, previa cita, na secretaría xudicial.
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
