As choivas darán paso aos claros pola tarde

As altas presións do Atlántico achegaranse algo máis a Galicia na xornada do venres, aínda que continuarán os ventos de compoñente norte.

Polo tanto, espérase ceo nubrado pola mañá, con nubes máis compactas no norte onde podería caer algún chuvasco de tipo ocasional; xa pola tarde tenderán a abrirse claros, quedando os ceos moi despexados na metade sur.

Haberá néboas en zonas do interior, tanto na mañá como na noite.

As temperaturas estarán en lixeiro ascenso e o vento soprará frouxo de compoñente norte.