As descargas de sardiña atópanse baixo mínimos

A sardiña está a facerse esperar máis do desexado e a súa presenza en lonxa está a ser nula ou puramente testemuñal, «hoxe vendemos só seis caixas de sardiña que viña no medio do chicharro e que se pagaron a 50 euros», indicaba o patrón do cerqueiro Ollo do Mar, Alberto Rei. O mes de xuño, cando este peixe alcanza o seu maior prezo e consumo animado pola festa de San Juan, pasou con máis pena que gloria e nas lonxas mariñás tan só vendéronse 49 toneladas de sardiña, a cantidade máis baixa desde que Pescadegalicia ofrece datos. Esta tendencia á baixa mantense tamén este xullo, o mes máis abundante para a sardiña en 2012. A pesar das poucas descargas as pescaderías afánanse para poder ofrecer o produto, iso si con prezos normalmente non inferiores aos 7 euros.