Viticultores e adegueiros da denominación de orixe Ribeira Sacra comezaron a apurar a campaña de recolección de uva ante a importante baixada das temperaturas na zona e a aparición de choivas intermitentes, dous elementos atmosféricos que non achegan ningún beneficio desde o punto de vista cualitativo ao froito.
O fin de semana traballouse con frenesí nas cinco subzonas da denominación, o que permitiu que se colleitaron 4.222.686 quilogramos de uva, a maioría, 3,6 millóns, da variedade tinta mencía.
O grupo adegueiro Vinigalicia de Chantada acaba de obter a certificación á xestión de innovación . Para lograr a norma UNE166002 tivo que pasar estritos controis sobre o proceso produtivo e que a dirección da empresa garanta recursos para continuar desenvolvendo investigacións para mellorar o produto final, pero, ademais, innovar.