O Centro Asociado da Uned en Lugo prevé ampliar os servizos que ofrece durante o próximo curso co obxectivo de chegar a máis persoas. A medida ten carácter provincial, pois se implantarán cinco idiomas nas aulas de que dispón e a Uned senior en seis localidades, que son A Pastoriza, A Fonsagrada, Foz, Monforte, Vilalba e Viveiro.
A dirección do Centro Asociado de Lugo reunirase en breve coas asociacións da terceira idade dos municipios mencionados para decidir a programación que levará a cabo. O padroado tamén acordou a posta en marcha do Centro Universitario de Idiomas a Distancia (Cuid), a través do que impartirán os niveis A1, A2, B1, B2 e C1 de inglés; A1, A2 e B1 de alemán, A2 e B1 de portugués, A2 e B1 de galego, e o A1 de chinés.
- MARÍA JOSÉ ALONSO GALDO, grao en Traballo Social e Educación Social: «É unha oportunidade porque se non houbese aula aquí, non se tería feito isto»
- RAQUEL RODRÍGUEZ PARDO, matriculada no grao de Turismo: «Decidín estudar algo tras permanecer un ano e medio como desempregada»