O Goberno, a Xunta, as catro deputacións provinciais e a Federación Galega de Municipios e Provincias (Fegamp) estudan a posta en marcha de diversas axudas de xeito coordinado para atender os damnificados polos recentes incendios forestais que afectaron a toda Galicia.
O lume, que causou catro vítimas mortais, obrigou a desaloxar a máis de dúas mil persoas e afectou a unhas 70 vivendas, a outras tantas instalacións e a medio centenar de vehículos.
O delegado do Goberno en Galicia, Santiago Villanueva, mantivo na mañá deste martes unha reunión de traballo para analizar os danos provocados polos incendios forestais e as posibles medidas a adoptar entre as Administracións implicadas.
Ao encontro asistiron o vicepresidente da Xunta, Alfonso Rueda; a conselleira de Medio Rural, Ángeles Vázquez; os catro subdelegados do Goberno na Coruña, Lugo, Ourense e Pontevedra, representantes da Fegamp e das deputacións das catro provincias galegas.
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
