A alcaldesa de Lugo, Lara Méndez, defendeu este mércores a liberdade da que será próxima concelleira do Partido Socialista no municipio de Ribadeo, Cristina Losas, que adquiriu notoriedade por mor da súa presenza no programa Ahora caigo, de Antena 3, e que é protagonista esta semana dunha reportaxe na revista Interviú, ilustrada cunha fotografía súa lixeira de roupa.
Despois dos ataques recibidos por colectivos feministas, Lara Méndez recordou que "cada quen é moi libre de saír e de facer as declaracións que crea convintes e oportunas", porque "a liberdade de expresión hai que respectala sempre".
De feito, a rexedora local asegurou que se trata "dunha compañeira feminista", que "reivindica a igualdade". "Que saia ou non nunha revista é unha cuestión persoal", concluíu.
En principio, está previsto que Cristina Losas tome posesión da súa acta como concelleira no pleno ordinario de marzo.
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
