A Xunta rebaixa ao 50% o solo de cinco polígonos para impulsar a economía

A Xunta de Galicia aprobou este xoves un plan de choque que ten a intención de reactivar a economía industrial e empresarial a nivel de toda a comunidade, pero con implicacións moi directas en A Mariña. O solo dos polígonos industriais de Barreiros, Lourenzá, Foz, Cervo e Viveiro, xestionados todos eles por Xestur salvo o de Lourenzá, que o fai o Igvs, ofrecerase con rebaixas do 50% do seu prezo anterior durante un tempo limitado. Pero ademais, para que o empresariado poida atopar máis facilidades, o Goberno galego decidiu crear unha nova liña de axudas para os proxectos que se emprendan.