O presidente do consello regulador Ribeira Sacra, José Manuel Rodríguez, confirmou que a vendima se pechou oficialmente no territorio amparado pola denominación de orixe cunha baixada de produción que cifra en torno ao 15%, unha diminución que xa estaba prevista en función dos controis previos ao comezo da recolección da uva.
José Manuel Rodríguez afirmou que o consello regulador fai unha valoración "positiva" da vendima deste ano a pesar dese descenso de produción, porque a cantidade de uva que entrou nas adegas, "cinco millóns e medio de quilos, fronte aos case 6,4 do pasado ano", son "para estar contentos".
Chegarán, opina, para "cubrir as necesidades" desta campaña, aínda que tamén recoñeceu que "haberá menos viño e as adegas terminarano antes".
En todo caso, recordou que "cando as vendimas son secas", como sucedeu este ano, "sempre temos un bo ano de viño".
Lamentou circunstancias como a aparición do Mildiu, o pedrisco no verán ou os meses de seca, pero opina que non afectaron "substancialmente" ao conxunto da denominación.
A vendima péchase na Ribeira Sacra cun descenso da produción
A diminución xa estaba prevista en función dos controis previos ao comezo da recolección
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
