O Goberno central investirá máis de 10 millóns de euros nas obras dun proxecto de restauración hidrolóxico-forestal de áreas afectadas por entulleiras de lousa nas marxes de ríos lucenses pertencentes aos municipios de Folgoso do Courel e A Fonsagrada. A rexeneración de outros dous cauces en Ourense completará o proxecto, que conta cun investimento total de 21.076.893 euros.
Na provincia lucense levaranse a cabo actuacións nas marxes do río Redomas ao seu paso pola Campa, no termo municipal de Folgoso do Caurel, con case 3,8 millóns; e nos arroios Espín e Fonte da Prata, na Fonsagrada, con máis de 6,5 millóns.
Na provincia de Ourense, os traballos desenvolveranse no río Riodolas, no tramo da Fraguiña, con máis de 4,5 euros; mentres que ao seu paso pola paraxe de Mormeau, o río Valborras recibirá un investimento de máis de 6,2 euros. As dúas cuncas atópanse situadas no termo municipal de Carballeda de Valdeorras.
Execución. O río Redomas conta coa información pública realizada e o seu proxecto está pendente de aprobación; mentres que as obras de A Fonsagrada teñen o proxecto redactado en fase de supervisión técnica, para realizar a información pública en breve.
En Ourense están en execución, dentro deste plan, as dúas primeiras obras nos ríos Sil e Casaio, na bisbarra de Valdeorras, e a súa finalización prevese para o último trimestre de 2008.
