A chegada da primavera tamén trae consigo o inicio das actividades ao aire libre e dos coñecidos como festivais de primavera. En Viveiro, a asociación Penalba-Chilindrín organiza un o próximo día 13 pola noite na chaira da piscina de Celeiro no que actuarán orquéstralas Costa Oeste e Panorama. O prezo da entrada será de 7 euros e venderanse directamente no recinto e as persoas que presenten os cupóns que se poderán recortar no xornal a próxima semana terán 1 euros de desconto. O obxectivo deste festival é recadar fondos para as festas de Celeiro deste ano.
A Dorna, TABERNA DE FAMOSOS. A pulpería A Dorna de Burela é un local ao que son asiduos os famosos que se achegan á comarca. Esta mesma semana gozou da súa mesa Víctor Fabregas, máis coñecido por ser Tucho no dúo cómico Os Tonechos. Fabregas estivo na comarca para gravar un programa que se emitirá na Televisión de Galicia sobre posibles rifas entre municipios. Aquí fíxoo entre Burela e Cervo. Outros famosos que pasaron polo local foron os actores Jorge Sanz e Miguel de Lira.
ACTIVIDADES EN RIBADEO. A concellaría de mocidade de Ribadeo organizou actividades para os primeiros días desta semana Santa que foron un éxito. Nenos de distintas idades asistiron a talleres de risa, de fotografía ou de cociña creativa, entre outras propostas como un paseo polas Aceas.
