Os densos bancos de néboa que dificultan a visibilidade e condicionan a seguridade dos usuarios obrigaron a cortar de novo esta noite a circulación na Autovía do Cantábrico (A-8), entre os municipios lucenses de Mondoñedo e Abadín.
Segundo informou a Dirección Xeral de Tráfico, a autovía permaneceu cortada en ambos os sentidos da circulación entre os puntos quilométricos 534 e 552, na zona do Alto do Fiouco, desde as 22.30 do luns ata as 12.05 horas deste martes. A Garda Civil habilitou desvíos alternativos a través da estrada Nacional 634 ao seu paso polo municipio de Mondoñedo.
A néboa volve cortar a A-8 no Fiouco
A Autovía do Cantábrico permaneceu pechada en ambos os sentidos desde as 22.30 do luns ata as 12.05 horas deste martes