A néboa obriga a cortar de novo a A-8 no Fiouco

Os densos bancos de néboa que dificultan a visibilidade e condicionan a seguridade dos usuarios obrigaron de novo á Dirección Xeral de Tráfico (DXT) a cortar a circulación en ambos os sentidos na Autovía do Cantábrico (A-8) entre os municipios lucenses de Mondoñedo e Abadín.

Segundo informou a propia DXT, a autovía permanece cortada ao tráfico desde as 02.24 horas, entre os quilómetros 534 e 552, no Alto do Fiouco, de modo que a Garda Civil tivo que habilitar os correspondentes desvíos alternativos a través da estrada Nacional 634.

O Ministerio de Fomento trata de buscar solución para este problema, dado que, de forma recorrente, os densos bancos de néboa que afectan a esa parte do trazado obrigan a cortar a autovía por cuestións de seguridade