A Mancomunidade de Municipios da Mariña subscribiu o pasado verán un acordo coa axencia Tee Travel para potenciar a comarca como destino turístico e froito deste convenio é a viaxe de familiarización que realizarán este fin de semana dez persoas vinculadas ao mundo do turismo á zona.
A finalidade deste ‘famtrip' é conseguir un maior coñecemento da zona e unha relación máis próxima para mellorar a comercialización nun futuro. A viaxe comeza esta tarde no Parador de Ribadeo, onde os participantes serán recibidos polo presidente da Mancomunidade, Afonso Fuente Parga. Alí presentaranlles o destino e o produto e a continuación celebrarase unha cea no restaurante San Miguel da vila.