A lesión do dianteiro Ousmane Dembélé non afecta o acordo que pechou o Barcelona co Borussia Dortmund, informa este venres o semanario Der Spiegel tras acceder ao contrato das xogador grazas ao portal Football Leaks.
Segundo o acordo, o club español debe pagar ao alemán a cantidade pactada, 105 millóns de euros, nos dous tramos previstos, aos que hai que engadir ata 40 millóns en varios conceptos variables, segundo o xornal.
Pola súa banda, o internacional francés, de 20 anos, asinou cobrar doce millóns por tempada, cinco veces o que estaba a percibir no Dortmund, engade a mesma fonte.
Sinala, así mesmo, que o futbolista pactou co Barcelona varios extras, un especial de 6,7 millóns, un por asinar, de 3 millóns, e outro de 3,3 millóns no caso de que o Barcelona se faga co triplete (Liga de Campións, Liga e Copa do Rei).
O Barça, segundo Der Spiegel, evitou pronunciarse sobre os detalles do acordo.
