O Concello de Vilalba elaborou un proxecto anual de servizos sociais comunitarios municipais para este ano cun orzamento de algo máis de 1,7 millóns de euros, que presentará á Xunta de Galicia despois de que fose aprobado en pleno cos votos a favor do equipo de goberno e do BNG, mentres que o PSOE negouse a participar na votación deste punto.
O proxecto inclúe a solicitude de financiamento ao goberno autonómico por valor de 1.022.081 euros, ao redor de 80.000 máis que o achegado pola Xunta en 2013, tal e como explicou ao rexedor vilalbés, Gerardo Criado. Engadiu que a achega do Concello tamén aumenta, cuns 180.000 euros máis con respecto ao pasado exercicio, o cal permitirá que a partida de urxencia social deste plan «vaise ver notablemente incrementada», pasando de 10.000 a 40.000 euros.
AUTOVÍAS
Melloras na sinalización