A familia do atleta surafricano Óscar Pistorius rexeitou hoxe "enerxicamente" que o deportista sexa culpable do asasinato a tiros da súa noiva, tal e como mantén a Fiscalía, que o acusou formalmente do crime.
"O suposto asasinato é rexeitado enerxicamente", subliña un comunicado publicado pola familia de Pistorius. O velocista paralímpico, asegura a nota, quixo enviar a súa "máis profundo pésame" á familia da vítima, a modelo de 29 anos Reeva Steenkamp.
Segundo o comunicado, Pistorius agradece tamén as mensaxes de apoio que recibiu, pero quere que "todos os pensamentos e oracións" vaian dirixidos hoxe a Steenkamp e á súa familia, "máis aló das circunstancias desta terrible traxedia". Así mesmo, a familia pide que se permita seguir o seu curso" aos procedementos legais e a investigación, para coñecer e esclarecer os feitos.
O comunicado divulgouse despois de que o xuíz surafricano Desmond Nair decidise hoxe pospor ata o 19 de febreiro a decisión sobre a liberdade baixo fianza de Pistorius, quen seguirá en prisión preventiva.
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
