A Escola Oficial de Idiomas (EOI) de Viveiro informa de que ten aberto o prazo de matrícula para os interesados en realizar as probas de clasificación de cara ao curso 2011/2012. A última xornada para inscribirse é o mércores da semana que vén, día 8.
A proba de clasificación é máis coñecida como proba de nivel, precisamente porque o seu obxectivo é determinar o nivel de dominio do idioma da persoa interesada en estudar nun curso superior ao primeiro de nivel básico. A Escola Oficial de Idiomas de Viveiro, situada en Celeiro, oferta ensinos de inglés, francés, alemán e italiano.
Contacto
Os interesados en recibir máis información sobre os ensinos ou apuntarse ás probas poden pasarse pola secretaría do centro, que está na Rúa Lavandeiras, chamar ao teléfono 982.55.17.45 ou escribir un correo electrónico á dirección [email protected].
