A Deputación de Lugo ofrecerá asesoramento legal gratuíto aos municipios para defender por vía xurídica o mantemento dos nove partidos xudiciais da provincia, dado que a reforma promovida polo Ministerio de Xustiza pretende deixar só un, con sede na capital.
A institución provincial, que preside o líder socialista galego, José Ramón Gómez Besteiro, respondeu así á petición conxunta formulada polos alcaldes dos municipios cabeceira de comarca reunidos hoxe na localidade de Mondoñedo, para avaliar as consecuencias da posible supresión dos partidos xudiciais.
Nun comunicado, a Deputación indica tamén facilitará aos municipios o acordo plenario aprobado na última reunión da Corporación provincial polos tres partidos políticos con representación política na institución: PPdeG, PSdeG e BNG.
Desa forma, os concellos que o desexan poderán esixir nas súas reunións plenarias a "inmediata reforma do anteproxecto" de lei orgánica do poder xudicial, engade
Á reunión acudiron os alcaldes dos municipios de Becerreá, Chantada, A Fonsagrada, Lugo, Mondoñedo, Monforte, Sarria e Viveiro.
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
