A Deputación de Lugo impulsará accións encamiñadas a promocionar o autoemprego e o acceso ás novas tecnoloxías entre o colectivo de mulleres rurais. Para iso asinou un convenio de colaboración por valor de 65.000 euros coa Federación de Asociacións de Mulleres Rurais de Galicia (Fademur), que preside Rosa Arcos Caamaño.
O acordo ratificouse onte nun encontro que tivo lugar na sede central da Deputación de Lugo e o que asistiron o presidente da entidade provincial, José Ramón Gómez Besteiro, a vicepresidenta segunda, Lara Méndez, e Rosa Arcos e Verónica Marcos, en representación de Fademur.