A asemblea local da Cruz Vermella de Sarria abriu onte as festas patronais de San Xoán cun pregón multitudinario e participativo, o cal finalizou cunha solta de pombas por parte de varios nenos como símbolo dos valores de paz e solidariedade que promove esta institución.
O presidente da asemblea, Jaime Capellá, foi o encargado de pronunciar o pregón en nome da entidade e fíxoo, como é tradición, desde o balcón da casa consistorial, e acompañado de representantes do Concello, a comisión de festas, as forzas da orde e, nesta edición, a campioa nacional de tiro olímpico, o alevín Ana López Gallego.
Nun discurso compartido cunha das mozas integrantes da Cruz Vermella, Capellá recordou a traxectoria desta entidade
