A confraría do Santo Enterro e a Soidade de Sarria editará unha revista na que repasará os 25 anos de vida da entidade, un aniversario que cumpriu en 2011.
A publicación constará dun gran número de fotografías sobre os distintos actos organizados pola confraría, cuxa directiva confía en poder tela lista para ser presentada ao público o día 11 de abril, coincidindo co pregón que abre a Semana Santa.
A edición da revista foi un dos asuntos abordados onte durante a asemblea anual da entidade, que se celebrou na súa sede da capela do Marqués en presenza dunha ducia de confrades.
