Un fillo do expresidente da CEOE José María Cuevas foi detido hoxe no marco da operación contra o branqueo de capitais que se desenvolve en varias comunidades españolas, informaron a Efe fontes da investigación.
A detención do fillo de Cuevas, que foi responsable da CEOE desde 1984 a 2007 e faleceu en 2008, produciuse en Madrid, segundo as fontes.
O empresario Ángel de Cabo, que se atopa xa en prisión, e polo menos outras catorce persoas foron detidas pola Policía nunha operación contra o branqueo de capitais que se desenvolve en varias comunidades españolas.
A operación policial, denominada Caballo de Troya e ordenada por un xulgado de Santiago de Compostela, deriva da operación Crucero, na que foron detidos en decembro o ex presidente da CEOE Gerardo Díaz Ferrán e o propio Ángel de Cabo, acusado de comprar Viajes Marsans ao outro empresario para ocultar os seus bens aos acredores.
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
