A BonoLoto deixa 95.802 euros en Ribadeo

Un dos tres acertantes de segunda categoría comprou o boleto na localidade mariñá

O sorteo da BonoLoto celebrado o luns deixou en Ribadeo un premio de 95.802 euros, correspondente a un dos tres boletos de segunda categoría -cinco acertos máis o complementario- selados en todo o país.

O resgardo selado na localidade mariñá foi vendido no Hotel Bouza, situado na rúa José Vicente Pérez Martínez.

Trátase dun boleto diario de Bonoloto con 28 apostas múltiples -oito números- prognosticadas polo propietario do resgardo.

É o segundo premio que reparte este sorteo en dous meses na costa de Lugo, dado que en maio a cafetería Bela Galicia, en Burela, selou outro resgardo agraciado con 34.830 euros.

Comentarios