A Asociación Comercial, Empresarial e Turística (Acet) Praia de Covas quedará sen actividade tras o sorteo programado para o vindeiro domingo, día 6 de xaneiro, en coincidencia coa lotería do Niño, durante o que se repartirán 3.200 euros en premios. O presidente, Jesús Fernández Pol, asegura que non darán de baixa o colectivo, «porque dende a xunta directiva aínda temos a esperanza de que apareza un grupo de personas que colla as rendas».
A directiva actual considera que esgotou todas as vías de negociación posibles neste momento para que a substitúan á fronte da asociación, que funciona desde 2009, xa que incluso intentaron a animar a outros empresarios da zona.
