O empresario Jesús Lence Ferreiro expresou a súa satisfacción pola decisión da Audiencia Nacional de anular unha multa que superaba os 22,5 millóns de euros, imposta pola Comisión Nacional dos Mercados e a Competencia en 2015, ao considerar que houbo un acordo entre Repsol e as empresas lucenses Lence Torres e Complexo San Cristóbal para coordinar os prezos de venda ao público.
Segundo Lence, a sentenza da Sala do Contencioso Administrativo da Audiencia Nacional, que estimou o recurso interposto pola petroleira, "dio claro", porque "non había acordo de prezos de ningún tipo".
De feito, o empresario lucense precisou que nese momento, no ano 2013, as súas sociedades "eran comisionistas de Repsol", de modo que "non podían tocar para nada ao prezo, nin para arriba nin para abaixo", porque era a petroleira a que determinaba a cotización do combustible.
A decisión da Audiencia Nacional, precisou, permitiralle recuperar o "aval" que no seu día tivo que pór sobre a mesa para afrontar o hipotético pago da sanción.
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
