A urbanización de Cimo da Agra, da cal se derivan as investigacións xudiciais que incumben á concelleira Patricia Castro, foi adquirida en 2008 pola empresa do seu marido, Estruturas e Reformas Jalo, na cantidade de 20.000 euros, moi por baixo do seu custo real, segundo determinou a Xunta de Galicia, que calculou o valor do terreo en 226.485 euros.
Este feito, que de seu non constitúe infracción algunha máis aló dunha excelente operación para un terreo de 24.500 metros cadrados, si motivou unha revisión do imposto de transmisións patrimoniais por parte do Goberno autonómico dado que a diferenza de prezo foi significativa.
