Hai que ser valente para atreverse co gran imperio chinés. Pero no mundo empresarial, non hai máis remedio que fixar a vista no xigante asiático se se quere prosperar. Así o entenderon o enxeñeiro informático Daniel Fernández e o licenciado en Ciencias Empresariais José Antonio Fernández Camero, ambos curmáns, nacidos en Asturias, pero de raíces trabadenses. Os dous fundaron, fai un lustro, un negocio de fabricación e exportación de compoñentes electrónicos e da construción, que opera desde as cidades de Hong Kong e Shenzhen, cuxa web é www.madin.hk.
«Son un namorado da cultura Chinesa», di Camero, que viaxou por todo o mundo e que asegura que en Asia «a globalización non penetrou do todo, por iso todo alí é diferente a Occidente aínda hoxe en día».
