Un home resultou hoxe ferido de consideración ao queimarse tras estalar un obxecto que ardía nunha fogueira na Pobra do Caramiñal, informa Urxencias 112.
O accidente ocorreu esta tarde, ao redor das seis, no lugar de Pontenaveira, desde onde o ferido foi trasladado en helicóptero con base en Compostela.
Tamén en Val do Dubra resultou ferido un traballador ao precipitarse desde o tellado dunha casa na que estaba a traballar.
A pesar da gravidade do impacto, o ferido mantívose consciente en todo momento.