Días e días de montañas crecentes de bolsas de lixo e de mal cheiro permanente, salpicados con brevísimas treguas de recollida nas que se facía desaparecer o mole para que en cuestión de horas montásense os cimentos dunha nova: esa é a imaxe que a maioría de lucenses gardan da recente folga de lixo. Por ese motivo, as cifras que ofreceu onte o Concello da cantidade de desperdicios que efectivamente se retiraron da rúa parecen ciencia ficción: só un 14% menos que no mesmo período do ano pasado. É dicir, acumulouse na rúa, houbo días nos que nalgunhas zonas non se tocou unha bolsa, pero se acabou retirando.
Con eses datos sobre a mesa, o concelleiro de medio ambiente, Luís Álvarez, recoñece que o servizo «pode estar sobredimensionado nalgún momento». É dicir, que se contratou máis do que se pode necesitar realmente. E se pode estar a pagar máis do que se precisa.
