A décimo oitava edición de Gran Hermano (Revolution) contará finalmente coa presenza de dous galegos entre os vinte concursantes seleccionados, a ribeirana Miriam Santiago e o vigués Rubén Valle. Foron descartados os outros catro aspirantes galaicos, entre os que se atopaba o viveirense Dimas Blanco.
O programa, cuxa cabeza visible será por segundo ano o presentador Jorge Javier Vázquez, brindou aos telespectadores, como vén sendo habitual, unha maratoniana gala chea de sorpresas e supostos cambios de guion.
Nesta edición haberá representación galega por partida dobre. O vigués Rubén Valle, de 21 anos é un técnico superior en automatismos e robótica industrial tense como un mozo "botado para adiante" e un tanto tontorrón. Defínese como unha persoa familiar e recoñece que o seu pais llo deron todo e coa súa ansiada entrada no reality de Telecinco pregúntase por quen me fai a cama polas mañás". Di ser moi fachendoso, cunha primeira imaxe de chulo e ter moito éxito coas mozas pero "non consigo abrirme a elas".
Miriam Santiago é a outra representante da Comunidade, trátase dunha ribeirana de 21 anos que estuda un ciclo medio de comercio e é dependenta de tenda multimarca e instrutora de artes marciais. Unha das súas maiores paixóns son as artes marciais, chegando a ser campioa mundial ao gañar o ouro de Sicilia en 2010. Recoñece ser unha moza fachendosa, moi consentida e á que lle encanta "ser o centro de atención".
Fóra quedaron o estradense Manuel Carbón, o coruñés Cristian García, o oleirés Christian López e o viveirense Dimas Blanco, cuxo soño de entrar en Gran Hermano para "ser unha diva" terá que esperar.
GH Revolution contará con dous galegos
Quedan fóra do programa os outros catro candidatos galaicos que optaban a participar nesta edición