George Weah imponse na primeira volta das eleccións de Liberia

O exfutbolista George Weah impúxose na primeira volta das eleccións presidenciais en Liberia. A Comisión Nacional Electoral ofreceu este domingo os resultados, que lle outorgan o 39% dos votos ao considerado como mellor xogador africano da historia.

Na segunda volta enfrontarase ao actual vicepresidente do país, Joseph Bokai, que obtivo un 29,1%. Weah, de 51 anos, é candidato pola Coalición polo Cambio Democrático.