Non se esperan cambios significativos para este martes, de maneira que Galicia continuará baixo a influencia das altas presións.
Así, haberá ceos pouco nubrados ou despexados en xeral, con presenza de brumas no litoral atlántico e a formación de nubes de evolución durante a tarde no leste.
As temperaturas quedarán sen cambios significativos ou con lixeiros ascensos. O vento soprará frouxo de compoñente leste en xeral.
Temperaturas mínimas e máximas previstas
A Coruña 17° 29°, Ferrol 14° 30°, Lugo 13° 28°, Ourense 16° 33°, Pontevedra 16° 32°, Santiago de Compostela 16° 30° e Vigo 20° 29°.
