Galicia espera precipitacións puntualmente fortes pola tarde

Galicia arrincará o día cun tempo pouco nubrado ou despexado con intervalos de nubes altas, excepto no litoral onde haberá intervalos de nubes baixas de madrugada, sobre todo na Mariña e extremo norte da Coruña onde tardarán máis en disiparse e non se descarta que vaian acompañadas de brumas e bancos de néboa matinais.

Durante a segunda metade do día, aumento da nebulosidade de evolución ata quedar nubrado ou con intervalos nubrados, máis abundantes no interior, onde son probables chuvascos tormentosos puntualmente fortes e acompañados de saraiba que de forma dispersa e con menor intensidade pódense estender a zonas próximas á costa.

Temperaturas mínimas en aumento en Lugo e no norte da Coruña e Ourense e con cambios lixeiros no resto. Máximas en descenso, excepto na Mariña e extremo norte da Coruña onde se manterán con poucos cambios. Vento frouxo variable.