Falece unha muller en Salvaterra de Miño ao caerlle un portal enriba

Unha muller de 83 anos faleceu este sábado polas feridas sufridas ao caerlle encima o portal da súa vivenda, situada no lugar de Devesa, en Salvaterra de Miño.

Segundo explicaron fontes do servizo de Urxencias Sanitarias 061, o suceso tivo lugar sobre as 12,00 horas e ao momento desprazáronse os bombeiros, as forzas de seguridade e a ambulancia.

O persoal sanitario intentou reanimar á muller, que se atopaba en parada cardiorrespiratoria, durante uns 50 minutos pero non puido lograr salvar a súa vida.

Fontes municipais explicaron que está previsto que a muller sexa enterrada o vindeiro martes, día 7 de novembro, no municipio.