A Xunta de Castela e León deu por extinguido o incendio que se orixinou na tarde do luns en Carucedo e que obrigou a cortar o tráfico na estrada de Orellán co obxectivo de evitar que o forte vento propagase as chamas cara á paraxe das Medulas.
Segundo informa El Bierzo Digital, resultaron calcinadas 20,8 hectáreas de carballo, aciñeira e castaños.
O lume quedou controlado ao redor da medianoite do luns, pero a Xunta non o deu por extinguido ata a tarde deste martes, tras mobilizar a seis helicópteros e tres brigadas. A súa orixe foi un soto de castiñeiros, algúns deles centenarios, situado en Carucedo.