A Asociación Forestal de Galicia celebrará un seminario para o vindeiro martes en Monforte. O curso, que se centrará na planificación e xestión forestal sostible, terá lugar ás 19.30 horas no centro comarcal Expolemos.
O seminario será impartido por Margarita López Pena, enxeñeira técnica forestal. O obxectivo da reunión, que está financiada con fondos Feader a través dun convenio de colaboración entre a Consellería de Medio Ambiente e a Asociación Forestal de Galicia, é informar os propietarios forestais interesados nos beneficios de contar cun instrumento de xestión das súas propiedades.
