As prazas de abastos e os mercados tradicionais teñen potencial suficiente para converterse en ''centros vivos'' das poboacións e ser os dinamizadores do sector comercial, da cultura e as relacións sociais dos pobos. Esa foi unha das conclusións ás que chegaron unha decena de expertos do mundo do comercio e a mercadotecnia que se reuniron onte en Monforte para disertar sobre as prazas de abastos e o seu futuro.
Durante toda a mañá no Centro do Viño expuxéronse proxectos que xa se realizaron ou se están levando a cabo en diferentes puntos de España.